Allorfiup katsorsartinnermut ilinniut naleqquttumut neqeroorusiussapput.

Uku tunngaviusumik malinneqartarput:

• Illoqarfimmiikkuit Allorfik Katsorsaaveqartumi,nalinginnaasumik tassani katsorsartinnisarnik neqeroofigineqassaatit. Katsorsartinneq aggernikkut ingerlanneqassaaq, sapaatip akunneri 17-t ingerlanneqartarpoq sapaatip akunneranut ataaseriarlutit, marloriarlutit pingasoriarlutilluunniit oqaloqateqartarlutit.

• Najugaqarferni Allorfik Katsorsaaveqanngippat, Nuummi, Nuuk Katsorsaavik suleqatigalugu katsorsaasunik tikittoqarluni najugarni katsorsartissinnaanissarnik neqeroorfigineqassaatit.

• Oorinoorajuttuusimaguit Center for Ludomani-mi katsorsartinnissarnut periarfissaqarputit. Tamanna Odense-mi Skype-kkulluunniit ingerlanneqartarpoq. Tassani katsorsartinniaraanni ullut 11-t ingerlanneqartarpoq, qallunaatut oqalussinnaanissat piumasaqaataavoq.

Katsorsartereernerpit kingorna oqaloqatiginnittarnerit sapaatip akunneri 26-inik Allorfimmi najugarisarniittumi ingerlanneqartussamik neqeroorfigitissaatit. Tamanna, katsorsartereernerup kingunerani anguniagassarisimasat attatiinnarnissaanut ikorfartuutissatut eqimattakkuutaanut neqeroorutaavoq.

Najugarni Allorfeqanngippat katsorsartereernerup kingorna ikorfartorneqarnissat pillugu sullissisornut sulisitsisornulluunniit, suliffeqarfippit Allorfik isumaqatigiissuteqarfigippagu saaffiginnissinnaavutit.