airplanebooksbriefcase business cogs cross election entertainment fish house law lockmedicalpeopleselfservices socialtax

Qanoq katsoraartissaanga? 

Katsorsartikkusukkuit periarfissatit arlaqarput:

1. Kommunemi sullissisumut saaffiginnissinnaavutit

imaluunniit

2. Najugarisarni Allorfik katsorsaavimmut saaffiginnissinnaavutut

Imaluunniit ilaatigut

3. Sulifferni naalagarnut, saaffissamulluunniit saaffiginnissinnaavutit

Sullissisornut saaffiginnikkuit kommunemut akuersinermut uppernarsaammik immersueqatigissuaatit, akuersinerit kommunenut, katsorsaasunut immaqalu peqqinnissaqarfimmut katsorsartinnernut atatillugu kingorna pisariaqartillugu atorneqassaaq. Ilinnut sullissisoq Allorfimmut oqaloqateqarnissarnut innersuussusiussaaq, Allorfimmilu ilinnut naleqquttumik katsorsartinnissamik neqeroorusiussapput.

Tamassuma saaniatigut sullissisuppit peqatigalutit katsorsartereernerpit kingorna qanoq ikorfartorneqarsinnaanissat pilersaarusiussavarsi. Tamanna katsorsartereernerup kingorna atornerluinertaqanngitsumut inuunermut ikaarsaarneq oqilisarniarlugu pissaaq.

Allorfimmut toqqaannaq saaffiginnissamaguit Allorfiup akuersissummut oqaloqatigininnermullu immersugassat immersussavai, ilinnullu sullissisoq katsorsareernerup kingorna pilersaarusioqquneqassaaq.

Suliffigisat Allorfillu isumaqatigiissuteqarsimagunik, sulisitsisuit katsorsartinnissarnut innersuussuteqarsinnaavoq, akuersissummut oqaloqatigininnermullu immersugassat immersorlugit aammattaaq katsorsareernerup kingorna pilersaarusiorlutik. Aangajaarniuutinut oorinoorajunnermullu suliffeqarfiit saaffissaqarsimappat katsorsartinnissarnut innersuussuiorsinnaavoq.

Ilaqutariinnut sullissiviit familiecenterit ilaat aamma katsorsartinnissarnut ikiorsinnaavaatsit.