airplanebooksbriefcase business cogs cross election entertainment fish house law lockmedicalpeopleselfservices socialtax
Log ind

Imigassaq aalakoornartoq 

Ataani allaqqasut imigassaq pillugu paasititsiniaanermik siunertaqarpoq. Paasissutissat annertunerusut kissaatigigaanni, vidensportalen-imi imaluunniit www.peqqik.gl-imi nanineqarsinnaapput.

Imigassaq aalakoornartoq (ethanol) arrorsaataavoq naatsiianik naatitaniilluunniit qapuliortinnerisigut sananeqartartoq . Imigassaq aqajaqqumiit tovfingertarmimiillu aammut akuleruttarpoq, imigassartorsimagaannilu ingerlaannaq aammi uuttorneqarsinnaasarluni. Imigassartoraanni minutsit 15 30-llu akornanni qaangiukkaangata aakkut akuliunnera tamakkeqqasarpoq.

Imigassat aalakoornartortallit aalakoornartortaanik akoqarnera malillugu procentikkaartumik uuttorneqartarpoq. Assersuutigalugu immiaaraq naliginnaasoq aalakoornartortaa 4,5 %-iuvoq, rødvin 12 %-imik taava snapsi 40 %-iulluni.

Inuppassuarnut imigassaq aalakoornartortalik inoqatinik peqateqarnermut atassuserneqartarpoq nuannersumik sunniuttarluni. Taassuma saniatigut imigassaq aalakoornartortalik pinngitsuuisinnaajunnaarnermik pilersitsisinnaavoq. Imigassaq aalakoornartoq annertussusia qaffatsillugu pinngitsuuisinnaajunnaartunngorsinnaaneq aamma qaffattarpoq.

Imigassaq aalakoornartortalik timimut, eqqarsartaatsimut inoqatinullu sunniuteqartarpoq. Taakku erngertumik, sivikitsumik, sivisuumik, ataavartunngortumilluunniit sivisussuseqarsinnaasarput. Aalakoornartortalinnik imigassartorsimaneq, timip aqussinnaaneranut, imminut aqussinnaanermut annikillititsisinnaavoq, inunnillu akerleriilernernut kinguneqarsinnaasarluni. Imigassaq aalakoornartortalik aamma suliffeqannginnermut, kræfternermut, ajutoornernut tarnikkullu sapiuttarnernut annilaangasarnernullu, aamma atassuserneqartarpoq. Naartunerup nalaani aalakoornartortalimmik imigassartorsimagaanni siusinaartumik ernisoqarsinnaavoq, naalungiarsuk inunngornermini oqippallaarsinnavoq, føtal alkohol syndromeqarsinnaavoq inuunermilu sinnera innarluuteqarluni.

Imigassamik pinngitsuuisinnaajunnarsimagaanni ataavartummik innarluuteqarnertut nalilerneqarsinnaavoq, imigassartunngikkaanni timip sajunneranik kinguneqartarluni. Pinngitsuuisinnaajunnarneq imigassartortuaannarnermik takussuteqarsinnaavoq, piffissakkuutaartumiluunniit annertuunik imigassartorfisumik.

Imigassamik pinngitsuuisinnaanngilatit? Uani imminut misiligit.