airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Aanngajaarniutit pillugit attaviattut ilinniartitaaneq 

Aanngajaarniutit pillugit attaviattut ilinniartitaaneq inuussutissarsiutitigut ilinniartitaasimasunut imal. bachelorinut tamanut saaffiginnissutaavoq.

Ilinniartitaanermi peqataasut pinngitsuuisinnaannginnernik assigiinngitsunik paasinninnissamut, katsorsartinnissamut kajumilersitsisinnaanermut, katsorsaavinnut neqeroorutinullu ilisimaarinninnermik siammarterinissamut ilinniartinneqarnissaat siunertaavoq. Ilinniartitsinermi imigassamik, hashimik aningaasanoornermillu pinngitsuuisinnaannginneq, oqaloqatigiinneq kajungilersitsisoq kiisalu katsorsaaviit aaqqissuussaanerat qitiutinneqarput.

Ilinniareernerup kingorna peqataasut inunnut aanngajaarniutinik aningaasanoornermillu pinngitsuuisinnaanngitsunut ass. namminneq suliffimminni pisariaqartitaminnik ikiorneqarnissaannut tapersiisinnaapput. Tamatuma saniatigut aanngajaaniutitnut tunngatillugu katsorsaasutut ilinnialernissamut qinnuteqarsinnaapput.

Aanngajaarniutit pillugit attaviattut ilinniartitaaneq ilinniartitsinermik ullunik qulinik sivisussusilimmik immikkoortortaqarpoq Peqqissaanermillu Ilinniarfik (PI) suleqatigalugu ukiumut marloriarluni ingerlanneqartarluni.

Ilinniartitaaneq ilinnialersussatullu tiguneqarsinnaaneq pillugit paasissutissat sukumiinerusut nutaarsiassani kiisalu nittartakkami: www.pi.gl-imi saqqummiunneqartassapput.