airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Meeraaqqanut siunnersortitut ilinniartitaaneq 

Meeraaqqanut siunnersortitut ilinniartitaaneq, inunnut ilaqutariinnut mikisunik meerartalinnut sullissisunut- ilaatigut Siusissukkut Iliuuseqarneq qulequtsiullugu suliniummi kommunini peqqinnissaqarfimmilu sulisunut aaqqissugaavoq.

Ilaqutariinni sanngiiffeqartuni ilinniakkat akimorlugit pitsaaliuinermi katsorsaanermilu, isumaliutersuummik isumatusaarnermik ataqatigiissumik inerisaaneq, ilinniartitaanerup siunertaraa. Meeqqap pisariaqartitai ineriartorneralu kiisalu tungiuisunut qaninnernut sunneeqatigiinneq ilinniartitaanerup qiterai. Ilaqutariit pisariaqartitaannik nukissaannillu ataatsimut naliliisinnaanermut kiisalu tungiuisut meeqqat pisariaqartitaannik suussusersisinnaanissaannut piginnaasaannik ersarinnerulersitsinissamut periusissat ilinniartitsissutaasarput. Tunngavissanik periutsinillu sulinermi sakkutut atorsinnaasunik inerisaaneq ilinniartitaanermi anguniagaavoq.

Ilinniartitaaneq modulinik tallimanik, katillugit ullunik ilinniartitsivinnik 15-inik itisiliillunilu suliaqarnermik naggaserneqartumik immikkoortortalik.

Ilinniartitaaneq Peqqissaanermik Ilinniarfimmit tarnip pissusaanik immikkut ilisimasaqaqatigiiffik Toftemosegaard suleqatigalugu neqeroorutaavoq.

Ilinniartitaaneq ilinnialersussatullu tiguneqarsinnaaneq pillugit paasissutissat sukumiinerusut nutaarsiassani kiisalu nittartakkami: www.pi.gl-imi saqqummiunneqartassapput.