airplanebooksbriefcase business cogs cross election entertainment fish house law lockmedicalpeopleselfservices socialtax
Log ind

Aanngajaarniutinik aningaasanoornermullu ajornartorsiuteqartut pingaarnertut attavissaannik ilinniartitsineq-mut ilinniarnissamut nalunaarit, aanngajaarniutit aningaasamoornerlu pillugit!

26. juli 2018
Maannakkut qinnuteqarnissaq periarfissaalerpoq aanngajaarniutit aningaasanoornerlu pillugit, uunga link-imut iserlutit.

Peqqissanermik Ilinniarfiup Allorfik (Pinngitsuuisinnaajunaarnermut Paasisimasaqarfik) suleqatigalugu aanngajaarniutinut aningaasanoornermullu tunngatillugu pingaarnertut attavittut ilinniartitaaneq neqeroorutigaa.

Atornerluisut pingaarnertut attaviattut ilinniartitaaneq kikkunnut saaffiginnissutaava?
Ilinniartitaanermi peqinnissaqarfimmi, ulloq unnuarlu paaqqinnittarfinni, ilinniarfinni kommuninilu ingerlatsivinni namminersortunilu ilinniagallit tamarmik saaffigineqarput.Qinnuteqartut inuussutissarsiutinut sammivilimmik ilinniagallit imal. bachelorinngorsimasut tiguneqarsinnaappaut.
Peqataasut inunnik isumaginninnermut, ilinniartitsinermut peqqinnissamulluunniit tunngatillugu akunnattumik sivisussusilimmik qaffasissumik ilinniagallit kingorna atornerluisunik katsorsaasutut ilinnialersinnaapput. Ilinniagallit allat immikkut naliliivigineqarnikkut katsorsaasutut ilinnialersussatut tiguneqarsinnaapput.

Ilinniartitaanermi suna siunertaava?
Atornerluisut pingaarnertut attaviattut iliniartitaanerup, innuttaasunik toqqaannartumik sullissisunik, aanngajaarniutinik, aningaasanoornermik pinngitsuuisinnaajunnaarnermillu katsorsaanermik ilisimasalinnik ilinniartitsinissaq siunertaraa.
Pingaarnertut attavittut pinngitsuuisinnaajunnaarnernik assigiinngitsunik takunnissinnaanissamut paasinnissinnaanissamullu, katsorsartinnissamut kajumilersitsinissamut nunatsinnilu katsorsartissinnaanermut periarfissat pillugit ilisimasanik siammarterisinnaanissamut ilinniarsimasuussaatit.
Taamaammat ilinniarnerit naammassippat illit nammineq suliffinni sulisut aanngajaarniutinik aningaasanoornermillu pinngitsuuisinnaajunnaarsimasut pisariaqartitaminnik ikiorserneqarsinnaanissaannut ikiuutissaatit.

Paasissutissat nalinginnaasut
Ilinniartitaaneq immikkoortunik /modulinik marlunnik imminnut ataqatigiinnik- Nuummi septembarip ulluisa 30-anniit oktobarip ulluisa qulingannut 2018 ingerlanneqartussanik immikkoortortaqarpoq.
Immikkoortuni peqataaneq ullut pikkorissarfiit tamaasa ullaap tungaa, ullup qeqqa ualikkullu nerisaqarneq ilanngullugit akeqanngilaq.
Ilinniartitaanermut atatillugu angalaneq ineqarnerlu peqataasup/sulisitsisup nammineq isumagissavaa, taamaammallu tamatumunnga tunngatillugu aningaasartuutit akilissallugit.

Kommuni Kujallermiit peqataaniat salliunneqassapput, taamatuttaaq angalanissamut ineqarnissamullu akiliunneqarnissamik Allorfimmit neqeroorfigineqassapput.