airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Allorfik pillugu

Siunissami nuna tamakkerlugu atornerluisunik katsorsaasalernissamut pilersaarutip inersimasunik aanngajaarniutinik atornerluinermik aningaasanoorajunnermillu ajornartorsiutilinnik akeqanngitsumik katsorsartissinnaanermut neqeroorummik nassuiaatitallip piviusunngortinneqarnissaa siunertaralugu, 2016-imi januaarip ulluisa aallaqqaataanni Allorfik pilersinneqarpoq.

Allorfiup, Pinngitsuuisinnaajunnaarnermik Paasisimasaqarfittut akisussaaffigai:

• Pinngitsuuisinnaajunnaarnermut katsorsartinniaraanni:
   - Allorfik Avannaa Ilulissaniittoq, Allorfik Kujalleq Qaqortumiittoq, Allorfik Qeqertalik Aasianniittoq, Allorfik Qeqqata Sisimiuniittoq kiisalu Allorfik Sermersooq Nuummiittoq. Unissutiginagulu katsorsaanerit sap. ak. 17-nit miss. ingerlanneqartarluni
   - Nuummi Katsorsaavimmi sap. ak. arfinillit arfineq pingasullu akornanni ulluunerani katsorsartinneq imal. kommunit kissaataat naapertorlugu illoqarfinni najukkani katsorsartinneq
   - Odensimi Center for Ludomani imal. internetsikkut katsorsartinneq
• Katsorsartereernermi ikorfartorneqarneq
• Ilaquttanik/qanigisanik katsorsaaneq
• Aanngajaarniutinik aningaasanoornermillu ajornartorsiuteqarnermi siunnersuineq
• Iliuuseqarnerup malittarineqarnera naliliivigineqarneralu
Ilaqutariinnut naartusunut siusissukkut iliuuseqarnermik ataatsimut ataqatigiissaarineq.

Ilaqutariinnut naartusunut siusissukkut iliuuseqarneq Peqqinnissaqarfiup kommunillu akornanni ilinniakkat akimorlugit ilaqutariinnik sanngiiffilinnik nassaarniarnikkut iliuusissatut pilersaarutinik inerisaanikkut, ilaqutariit pisariaqartitaat aallaavigalugit neqeroorutinik pilersitsinikkut suleqatigiiffiuvoq sumiginnaanermik pitsaaliuinissamik siunertalik. Peqataanissaq naartuleqqaarnermiit meeqqap marlunnik ukioqalernissaanut neqeroorutaasarpoq. Ilaqutariit siunissami meeqqap atualernissaata tungaanut malittarineqarnissaat Allorfiup kissaatigaa.