Nuummi peqqinnissaqarfik peqatigalugu Allorfik unnuk kulturisiornermi peqataassaaq, arfininngorneq jannuaarip 19-ani 2019 nal. tallimaniit unnukkut arfineq pingasut (17:00-20:00) tungaanut.
Nakorsiartarfiup utaqqisarfianiissaagut, isaariap saamiup tungaani nassaarisinnaalluta.
Tassani imigassartorsimanermut paasiniaalluni supoortagaq imalt. isarussat imigassartorsimasutullusooq imalt. aanngajaarniutinik sunnerneqarlunilusooq ingerlaarfissaq misilinneqarsinnaavoq.
Tassani aamma periarfissaassaaq Allorfimmi atorfillit naapinnissaannut, taakku suut neqeroorutaanersut pillugit apersorneqarsinnaapput, qanorlu katsorsartittoqarsinnaaneranik paasisaqarfigalugit.
Unnukkut kulturersiorfimmi takussaagut!