airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Qanoq katsorsartissaanga? 

Katsorsartikkusukkuit periarfissatit arlaqarput:

1. Kommunemi sullissisumut saaffiginnissinnaavutit

imaluunniit

2. Una iserfigalugu Najugarisanni Allorfimmut saaffiginnissinnaavutit

Imaluunniit ilaatigut

3. Suliffinni aqutsisunnut, saaffissamulluunniit saaffiginnissinnaavutit

Kommunimi sullissisunut saaffiginnikkuit suliffinni imaluunniit sumiiffigisanni sullissisuit katsorsartinnissamut akuersissummik immersueqatigissavaatit, tassani akuersinermi kommunit, katsorsaasut peqqinnissaqarfillu katsorsartinninnut tunngatillugu suleqataasinnaassammata. Akuersereernerup kingorna kommunimi sullissisoq innersuussusiussaaq Allorfimmut nassiussassamik, tassanngaanniillu ilinnut tulluartumik Allorfik katsorsartinnissamik neqeroorusiussalluni.

Taassuma saniatigut kommunimi sullissisut peqatigalugu katsorsartereernerpit kingorna qanoq ikorfartorneqarnissat pilersaarusiussavarsi, tassani katsorsartereernerup kingorna inuunermut atornerluinertaqanngitsumik ikaarsaarneq oqilisarneqassaaq.

Illoqarfigisanni Allorfimmut toqqaannaq saaffiginnikkuit Allorfiup katsorsartinnissamut akuersissut, aammalu innersuussinermi immersugassaq immersussavai, sullissisorlu katsorsartereernerup kingorna pilersaarusiussalluni.

Suliffinni sullissisup Allorfik suleqatigisimappagu suliffigisavit pisortaata katsorsartinnissamut innersuussinnaavaatit, innersuussinermi immersugassaq, katsorsartinnissamut akuersissummik immersugassaq katsorsartereernerullu kingorna pilersaarutit immersorneratigut. 

Ilaqutariinnut sullissiviit ilaasa aamma katsorsartinnissannut ikiorsinnaavaatsit.