Misissuisoqarneranut atatillugu suliffeqarfinnik suleqateqarneq
Allorfik suliffeqarfinnut suleqatigiinnissamik isumaqatigiissuteqartarpoq, taamaalillutik suliffeqarfiit, inunnik sullissisut naligalugit sulisutik katsorsartinnissaannut innersuussusiorsinnaallutik.

Suliffeqarfimmi aqutsisuuguit Allorfimmullu suleqatigiissummik isumaqatigiissusiorusukkuit, Allorfik Pinngitsuuisinnaajunnaarnermik Paasisimasaqarfik saaffigisinnaavat.

Innuttaasut aningaasanoornermik ajornartorsiuteqarnerannut bankinik suleqateqarneq
Aningaasatigut siunnersuisartut takusinnaasatik naapertorlugit aningaasanoornermik ajornartorsiuteqartut ersiutaat allanit siulliullutik takusinnaasarpaat.

Allorfiup bankillu suleqatigiinneranni Allorfimmi sulisut bankimi sullissisunik aningaasanoornermik ajornartorsiuteqarneq pillugu ilinniartitsisarput, qanorlu iliorsinnaanermik sakkussanik tunioraasarlutik, kiisalu Allorfimmi katsorsartinneq qanoq imaqarneranik qanorlu oqaloqatigiinnerup ingerlasarneranik paasissutissiissutigineqartarluni.

Taassuma saniatigut innuttaasoq aningaasanoornermik ajornartorsiuteqartoq katsorsartinnermini bankimi sulisumit siunnersortikkumassappat, Allorfimmi katsorsaasut bankini attaveqaateqarput.