airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Katsorsartinneq sumi ingerlanneqassava? 

Allorfimmi katsorsaanermi tunngaviusumik uku malinneqartarput



• Illoqarfimmi Allorfilimmi najugaqaruit, nalinginnaasumik tassani katsorsartinnissannik neqeroorfigineqassaatit. Katsorsartinneq takkunnikkut Skypekkut telefonikkulluunniit pissaaq, sapaatip akunnerini qulini ingerlanneqartarpoq. Sapaatip akunneranut ataasiarlutit marloriarlutilluunniit oqaloqateqartassaatit.

• Najukkanni Allorfeqanngippat, Katsorsaavik Nuuk suleqatigalugu katsorsaasunik najugaq qimannagu katsorsartissinnaanissannik neqeroorfigineqassaatit.

• Aningaasanoorajuttuusimaguit Center for Ludomanimi katsorsartinnissannut periarfissaqarputit. Tamanna Odensemi imaluunniit Skypekkut ingerlassinnaavat. Tassani katsorsaaneq ullut 11-t ingerlanneqartarpoq, qallunaatut oqalussinnaanissat piumasaqaataavoq.

Allorfimmi sulisut katsorsartinnissaq ilinnut naleqquttoq neqeroorutigissavaat.

Katsorsartereernerpit kingorna, Allorfimmi katsorsartissimasut allat peqatigalugit eqimattami oqaloqatigiinnernut peqataasalernissannik neqeroorfigineqassaatit. Tamanna katsorsartereernermi anguniakkavit attatiinnarnissaanut ikorfartuutissatut periarfissatut neqeroorutaavoq.

Katsorsartereernerup kingorna najugarisanni Allorfeqanngippat ikorfartorneqarnissat pillugu kommuunimi sullissisunnut imaluunniiit suliffeqarfivit Allorfik isumaqatigiissuteqarfigippagu, sulisitsisunnut saaffiginnissinnaavutit.